სახელმწიფო აუდიტის სამსახური

რეკომენდაცია№1. საბაზრო პირობებისადმი ადეკვატური სავარაუდო ღირებულების განსაზღვრის და საჯარო სახსრების არარაციონალური ხარჯვის რისკების თავიდან აცილების მიზნით,ბაზრისკვლევის ეტაპზე მოხდეს ყველა ხელმისაწვდომი ინფორმაციის შესწავლა. ამასთანავე, უზრუნველყოფილ იქნეს ფასების შესახებ მიღებული ინფორმაციის ერთგვაროვნება (შესაბამისობა) მიწოდების კომერციული და ფინანსური პირობების (წარმოშობის ქვეყანა, ანგარიშსწორებისპირობები,საგარანტიო ვადადაა.შ.) გათვალისწინებით.

რეკომენდაცია№2. ჯანსაღი კონკურენტული გარემოს უზრუნველყოფის მიზნით, შესყიდვის საგნის აღწერისას უპირატესობა მიენიჭოს საქონლის ფუნქციონალურ-ტექნიკური სპეციფიკაციების შემუშავებას და ტექნიკური პარამეტრები განისაზღვროს იმ დიაპაზონით, რომელიც უზრუნველყოფს შემსყიდველის საჭიროებების დაკმაყოფილებას. ამასთანავე, აქტივების ნივთობრივად და უფლებრივად უნაკლო მდგომარეობაში ფლობის მიზნით, შემუშავდეს და დაინერგოს დამატებითი კონტროლის მექანიზმები.

რეკომენდაცია№3. შესყიდვებში მონაწილე პირთა მიმართ სამართლიანი დაერთგვაროვანი მიდგომის მიზნით: • შემუშავდეს და დაინერგოს ისეთი კონტროლის მექანიზმები, რომელებიც უზრუნველყოფს კომისიის მიერ სატენდერო დოკუმენტაციასთან პრეტენდენტების მიერ წარმოდგენილი ტექნიკური დოკუმენტაციის შესაბამისობის არსებით განხილვას და მიღებული გადაწყვეტილების დასაბუთებას; • შესაბამისი პირობების არსებობის შემთხვევაში, გამოყენებულ იქნეს დაზუსტების მექანიზმი, რომელიც უზრუნველყოფს სატენდერო დოკუმენტაციით განსაზღვრული მოთხოვნების შესრულების თაობაზე გონივრული რწმუნების მიღების მიზნით პრეტენდენტისაგან დამატებითი მტკიცებულებების(დოკუმენტებიდაგანმარტებები) მიღებას.

რეკომენდაცია№4. შესყიდვის პროცედურებში არაკვალიფიციური და არაკეთილსინდისიერი მიმწოდებლის მონაწილეობის რისკების შემცირების მიზნით: • სატენდერო პირობები (მათ შორის, მიწოდების) შემუშავებულ იქნეს უნივერსიტეტის საჭიროების სრულად და ეფექტიანად დაკმაყოფილების მიზნით; • სატენდერო პირობების შემუშავების და შეფასება-შერჩევის პროცესში შეიქმნას ისეთი კონტროლის მექანიზმები, რომლებიც ფასწარმოქმნის ადეკვატურობის შეფასებისას უზრუნველყოფსმყარ მტკიცებულებითბაზას.

რეკომენდაცია№5. საჯარო სახსრების რაციონალური და ეფექტიანი ხარჯვის მიზნით: • კონკურენტული გარემოს უზრუნველსაყოფად, შესყიდვის საგანი განისაზღვროს ბაზრის კვლევის ეტაპზე მიმწოდებელთა სპეციალიზაციის შესწავლის საფუძველზე; • გაანალიზდეს საჭიროების დაკმაყოფილების სხვადასხვა (ალტერნატიული) ვარიანტები და გადაწყვეტილება მიღებულ იქნეს მათი პროდუქტიულობის შეფასების საფუძველზე.

რეკომენდაცია №6.  სტრუქტურული ერთეულების მიერ დაგეგმვის ადრეულ ეტაპზე მოხდეს საჭიროების იდენტიფიცირება და შესაბამის სამსახურებს (საფინანსო, შესყიდვები, ლოგისტიკა) შორის კომუნიკაციით განისაზღვროს პრიორიტეტების სტრუქტურა, რომელიც საფუძვლად დაედება შესყიდვების წლიურ გეგმას; • კონტროლის მექანიზმების ეფექტიანობის ამაღლების გზით განხორციელდეს მიწოდებული საქონლის (მომსახურების) რაოდენობის და ხარისხის შესაბამისობის ინსპექტირება, რაც უზრუნველყოფს საჭიროების სრულად დაკმაყოფილებას; • ხარჯების მართვის ეფექტიანობის ამაღლების მიზნით შემუშავდეს კონკრეტული წარმომადგენლობითი ღონისძიების განხორციელების რეგლამენტი, სადაც რაციონალური დასაბუთების საფუძველზე განისაზღვრება ღონისძიების მიზანი, მონაწილეთა რაოდენობა და ა.შ.