გენდერული თანასწორობის უზრუნველყოფა განათლების სფეროში არის ერთ-ერთი ფუნდამენტური ნაბიჯი გრძელვადიანი განვითარებისთვის. განათლება არა მხოლოდ ცოდნისა და უნარების გადაცემის პროცესია, არამედ ის არის საფუძველი მომავალი თაობის ფორმირებისთვის, რომელიც განსაზღვრავს ქვეყნის სოციალურ და ეკონომიკურ პროგრესს. თანასწორობის მიღწევა განათლებაში იძლევა იმის გარანტიას, რომ ყველა ბავშვს, განურჩევლად სქესისა, ჰქონდეს თანაბარი შესაძლებლობა, მიიღოს არა მხოლოდ ხარისხიანი განათლება ასევე ჩამოუყალიბდეს პიროვნული ზრდის და განვითარებისთვის საჭირო უნარ-ჩვევები.
განათლების სისტემა და სკოლა ცენტრალურ როლს ასრულებს მეცნიერების, ტექნოლოგიების,ინჟინერიისა და მათემატიკის (STEM) საგნების მიმართ გოგოების ინტერესის გაძლიერებისა და თანაბარი შესაძლებლობებისა და ხარისხიან STEM განათლებაზე წვდომის უზრუნველყოფის მიმართულებით. კვლევებით დადასტურებულია, რომ გოგონების და ბიჭების უთანასწორობის შემცირებას STEM განათლების მიმართულებით შეუძლია ხელი შეუწყოს შრომის ბაზარზე უთანასწორობის შემცირებას, გაზარდოს ქალთა დასაქმება და ეკონომიკური დამოუკიდებლობა, ასევე შეამციროს პროფესიული სეგრეგაცია.
