სახელმწიფო აუდიტის სამსახური

ცოტნე ყავლაშვილი გენერალური აუდიტორის თანამდებობას 2022 წლის 21 სექტემბრიდან იკავებს.

მას საჯარო საფინანსო სექტორში მუშაობის მრავალწლიანი გამოცდილება აქვს. გენერალური აუდიტორის პოზიციაზე არჩევამდე მუშაობდა ფინანსთა მინისტრის მოადგილედ და სახაზინო სამსახურის უფროსად. მისი პროფესიული კარიერა 2006 წლიდან ფინანსთა სამინისტროში დაიწყო. იგი სხვადასხვა წლებში იყო ფისკალური პროგნოზირების დეპარტამენტის უფროსი, საბიუჯეტო დეპარტამენტის უფროსის მოადგილე, სპეციალისტი საბიუჯეტო დეპარტამენტის საბიუჯეტო პოლიტიკისა და ნაერთი ბიუჯეტის ფორმირების და საბიუჯეტო დეპარტამენტის ტერიტორიული ერთეულების ბიუჯეტების სამმართველოებში. მუშაობდა „საქართველოს რკინიგზის რესტრუქტურიზაციის დამხმარე პროექტში“. 

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი 2004 წელს. ამავე უნივერსიტეტში 2006 წელს მიიღო ეკონომიკის და ბიზნესის მაგისტრის ხარისხი.

ფლობს ინგლისურ და რუსულ ენებს.