სახელმწიფო აუდიტის სამსახური ორ წელიწადში ერთხელ ამზადებს და პარლამენტს წარუდგენს მუნიციპალიტეტების ბიუჯეტების ხარჯვასა და შესრულებასთან დაკავშირებით ჩატარებული აუდიტების შემაჯამებელ ანგარიშებს.
ანგარიშებში ასახულია მუნიციპალიტეტების ორგანოების საქმიანობის შემაჯამებელი ინფორმაცია შემდეგი მიმართულებებით: მოქმედ კანონმდებლობასთან შესაბამისობა; საჯარო რესურსების გამოყენებასა და ფინანსური ანგარიშგების შედგენაზე გავლენის მქონე საკანონმდებლო და სხვა აქტები; რაციონალური ხარჯვა − სახსრების გამოყენება ეკონომიურობის პრინციპის გათვალისწინებით; ნებისმიერი სხვა საკითხი, რომელსაც განსაკუთრებული მნიშვნელობა აქვს საჯარო ფინანსების მართვის გასაუმჯობესებლად ან/და საჯარო სექტორში ერთგვაროვანი პრაქტიკის დასანერგად.
