საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს
სამედიცინო და ფარმაცევტული საქმიანობის რეგულირების სააგენტოს
რეკომენდაცია N1:
სამედიცინო დაწესებულებების ზედამხედველობის პროცესში სააგენტოს მიერ განსახორციელებელი ღონისძიებების ეფექტიანად დაგეგმვის მიზნით, შემუშავდეს და დაინერგოს შესაბამისი კრიტერიუმები, რომლებიც უზრუნველყოფს:
• დაწესებულებების შერჩევას რისკზე დაფუძნებული მიდგომის გამოყენებით;
• მოქმედი მაღალ რისკიანი სამედიცინო დაწესებულებების სათანადოდ მოცვას.
რეკომენდაცია N2:
ჯანდაცვის სფეროში დასახული სტრატეგიული მიზნების მისაღწევად, სამედიცინო დაწესებულებების მიერ მოქალაქეებისათვის ხარისხიანი სერვისების მიწოდების მიზნით, შემუშავდეს და დაინერგოს:
• შემოწმების ისეთი ინსტრუქციები, რომლებიც უზრუნველყოფს ქვეყანაში მოქმედი სამედიცინო დაწესებულებების შეფასებას საერთაშორისოდ აღიარებული ხარისხის კომპონენტების საფუძველზე;
• მეთოდოლოგიური სახელმძღვანელო, რომელიც უზრუნველყოფს კონტროლის პროცესში განსახორციელებელი პროცედურების დეტალიზაციას, თანმიმდევრულობას, ერთგვაროვან მიდგომასა და დროულობას;
• სამედიცინო დაწესებულებების შეფასების საჯაროდ ხელმისაწვდომი რეიტინგული სისტემა, რომელიც უზრუნველყოფს მოქალაქეთა ინფორმირებულობას სამედიცინო დაწესებულებებში არსებული მდგომარეობისა და სერვისების ხარისხის შესახებ.
სააგენტოს
რეკომენდაცია N3:
სამედიცინო დაწესებულებების შემოწმების პროცესის ეფექტიანობისა და მოცვის გაზრდის მიზნით:
• შეფასდეს როგორც არსებული მექანიზმების ეფექტიანობა, ასევე განისაზღვროს ადამიანური რესურსის ოპტიმალური რაოდენობა, რომელთა საშუალებით მიიღწევა დასახული მიზნები;
• შემუშავდეს და დაინერგოს პროფესიული განვითარების გეგმა, რომელიც უზრუნველყოფს შემოწმების პროცესში ჩართული ადამიანური რესურსების უწყვეტ განვითარებას.
რეკომენდაცა N4:
სააგენტოს მიერ დასახული მიზნების მიღწევის უზრუნველსაყოფად, შემუშავდეს და დაინერგოს მექანიზმი, რომელიც სარეცენზიო მომსახურების მიმწოდებლის მხრიდან უზრუნველყოფს მნიშვნელოვანი კატეგორიის საკითხებზე პრიორიტეტულ რეაგირებას.
რეკომენდაცა N5:
სამედიცინო დაწესებულებებში პაციენტებისათვის გაწეული სერვისების ხარისხის გაუმჯობესების მიზნით, შემუშავდეს და დაინერგოს მექანიზმი, რომელიც უზრუნველყოფს:
• მოქალაქეთა საჩივრებისა და განცხადებების პრიორიტეტიზაციასა და კლასიფიკაციას;
• მნიშვნელოვანი კატეგორიის განცხადებებზე დროულ და პრიორიტეტულ რეაგირებას.
სამინისტროსა და სააგენტოს
რეკომენდაცა N6:
სამედიცინო დაწესებულებების ზედამხედველობის პროცესის ეფექტიანად წარმართვის მიზნით:
• შესაბამის უწყებებთან თანამშრომლობით, შემუშავდეს და დაინერგოს მექანიზმი, რომელიც უზრუნველყოფს ქვეყანაში ახლადრეგისტრირებული სამედიცინო დაწესებულებებისა და მათი საქმიანობების შესახებ ინფორმაციის პერმანენტულ რეჟიმში მიღებას;
• განისაზღვროს პრიორიტეტები არსებული მაღალი რისკის შემცველი სამედიცინო საქმიანობებიდან და დაინერგოს მექანიზმი, რომელიც უზრუნველყოფს საქმიანობის დაწყებამდე დაწესებულების ადგილზე შემოწმებასა და შემდგომ კონტროლს.
