სახელმწიფო აუდიტის სამსახური

აუდიტის დეპარტამენტი აფხაზეთის ავტონომიურ რესპუბლიკაში

აფხაზეთის ავტონომიურ რესპუბლიკაში აუდიტის დეპარტამენტის უფლებამოსილება ვრცელდება ავტონომიური რესპუბლიკის საკანონმდებლო და აღმასრულებელი ხელისუფლების ორგანოებზე, მის ტერიტორიაზე არსებულ ადგილობრივი თვითმმართველობის ორგანოებზე, ასევე ავტონომიური რესპუბლიკის ან მის ტერიტორიაზე არსებული ადგილობრივი თვითმმართველი ერთეულის მიერ შექმნილ საჯარო სამართლის იურიდიულ პირებსა და 50% და მეტი წილობრივი მონაწილეობით შექმნილ საწარმოზე.

დეპარტამენტი  ავტონომიური რესპუბლიკის უმაღლეს საბჭოს ყოველწლიურად წარუდგენს ინფორმაციას ავტონომიური რესპუბლიკის ბიუჯეტის ხარჯვასა და შესრულებასთან დაკავშირებული აუდიტის შედეგების შესახებ. 
გარდა ამისა, დეპარტამენტი უმაღლეს საბჭოს წარუდგენს მოხსენებებს მიმდინარე წლისა და გასული წლის ბიუჯეტების შესრულების თაობაზე აფხაზეთის ავტონომიური რესპუბლიკის მთავრობის ანგარიშების შესახებ.  
 
 

ფრიდონ შენგელია

ფრიდონ შენგელია

დეპარტამენტის უფროსი

ფრიდონ შენგელია აფხაზეთის ავტონომიურ რესპუბლიკაში სახელმწიფო აუდიტის სამსახურის დეპარტამენტის ხელმძღვანელის მოვალეობის შემსრულებლად 2025 წლის აგვისტოდან დაინიშნა.

სხვადასხვა პერიოდში ის იყო თავდაცვის, საზოგადოებრივი წესრიგისა და უსაფრთხოების სფეროს აუდიტის დეპარტამენტის უფროსი, საერთო დანიშნულების სახელმწიფო მომსახურების სფეროს აუდიტის დეპარტამენტის უფროსის მოადგილე, ამავე დეპარტამენტის უფროსი და ეკონომიკური საქმიანობის სფეროს აუდიტის დეპარტამენტის უფროსის მოადგილის მოვალეობის შემსრულებელი. 

2008-2013 წლებში დასაქმებული იყო კერძო სექტორში-აგროკომპანიაში, 1998-2007 წლებში სახელმწიფო დაცვის სპეციალურ სამსახურსა და შინაგან საქმეთა სამინისტროში ეკავა სხვადასხვა თანამდებობა, 1993-1997 წლებში მუშაობდა საქართველოს კონტროლის პალატაში იურისტის, მთავარი იურისტის, იურიდიული სამმართველოს უფროსის მოადგილის, სამართლებრივი უზრუნველყოფისა და ექსპერტიზის დეპარტამენტის უფროსის მოადგილის პოზიციებზე.

დაამთავრა ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი, სამართლისმცოდნეობის სპეციალობით და აკად. პ.გუგუშვილის სახ.საქართველოს ეკონომიკურ-ჰუმანიტარული ინსტიტუტი ფინანსებისა და კრედიტის მიმართულებით.

მას გავლილი აქვს პროფესიული ტრენინგები კორუფციისა და თაღლითობის პრევენციის, ლიდერობისა და მენეჯმენტის, გერმანიისა და პოლონეთის აუდიტორულ ორგანოებში ორგანიზაციული მართვისა და ხარისხის მართვის მიმართულებით.