სახელმწიფო აუდიტის სამსახური

SIGMA-ს მიერ ორგანიზებული სემინარი სასტუმრო „რედისონში“ 03 თებერვალი, 2010

3 თებერვალს სასტუმრო "რედისონში" თემაზე: "კონტროლის პალატის ახალი როლი და მისი ურთიერთობა პარლამენტთან," სემინარი გაიმართა. სემინარის ორგანიზატორები საქართველოს კონტროლის პალატა და საერთაშორისო ორგანიზაცია SIGMA (Support for Improvement in Governance and Management) იყვნენ.

სემინარზე მოწვეულმა უცხოელმა სპიკერებმა დეტალურად განიხილეს სახელმწიფო აუდიტორული ორგანოს როლი ევროკავშირის ქვეყნებში და მისი ურთიერთობა პარლამენტთან, რათა პარლამენტში სწორი წარმოდგენა ჰქონდეთ კონტროლის პალატის ახალ როლსა და მნიშვნელობაზე.სემინარს ესწრებოდნენ საქართველოს კონტროლის პალატის თავმჯდომარე ლევან ბეჟაშვილი და საქართველოს პარლამენტის საფინანსო-საბიუჯეტო კომიტეტის თავმჯდომარე ზურაბ მელიქიშვილი.

უცხოელ სტურმებს შორის იყვნენ: ჰოლანდიის აუდიტორული სასამართლოს ყოფილი გენერალური მდივანი მარტის ბროუ; გერმანიის ფედერალური აუდიტორული სასამართლოს წევრი იანს ჰერმან ტრეუნერი; ესტონეთის პარლამენტის წევრი, იუსტიციის ყოფილი მინისტრი და სახელმწიფო აუდიტორული ოფისის ყოფილი თავმჯდომარე კენ მარტი ვაერი და „სიგმას“ წარმომადგენელი ბიანკა ბრეტეში.

საქართველოს კონტროლის პალატის მიზანია, ჩამოყალიბდეს საერთაშორისო სტადარტების მქონე უმაღლესი სახელმწიფო აუდიტორული ორგანო, რომელიც საზოგადოებაში ნდობის მაღალი მაჩვენებლით ისარგებლებს. ამ მიზნის მიღწევაში კონტროლის პალატას საქართველოს პარლამენტის მხარდაჭერაც დასჭირდება.