პროექტის მიზანია სახელმწიფო ინსტიტუტების გამჭვირვალობის, ანგარიშვალდებულებისა და ეფექტიანობის გაძლიერება, როგორც ცენტრალურ ასევე რეგიონალურ დონეზე. პროექტს ახორციელებს USAID-ის ქვეკონტრაქტორი ორგანიზაცია Tetra Tech ARD. აუდიტის სამსახურის კომპონენტი მოიცავდა სხვადასხვა მიმართულებების მხარდაჭერას: მოქალაქეთა ჩართულობისა და კომუნიკაციის გაუმჯობესება, სამსახურის წარმომადგენელთა პროფესიული განვითარება და სსიპ - საჯარო აუდიტის ინსტიტუტის გაძლიერება.
პროექტის შედეგები:
- მოეწყო აუდიტის ანგარიშების რეგიონული საჯარო განხილვები 9 მუნიციპალიტეტში.
- გაიმართა აუდიტის შედეგებისა და რეკომენდაციების განხილვებთან დაკავშირებული 20-მდე შეხვედრა სხვადასხვა მუნიციპალიტეტში, თვითმმართველი ერთეულების, სამოქალაქო სექტორისა და ადგილობრივი მედიის წარმომადგენლებისათვის.
- შემუშავდა რეკომენდაციების შესრულების მონიტორინგის ელექტრონული სისტემა (ARIS).
- გაიმართა ბიუჯეტის მონიტორის გაცნობითი შეხვედრები პარლამენტის წევრებისათვის, მუნიციპალიტეტებისა და არასამთავრობო სექტორის წარმომადგენლებისათვის.
- ჩატარდა ბიუჯეტის მონიტორის მომხმარებელთა საჭიროებების კვლევა და შეიქნა პრომო ვიდეოები.
- გაიმართა IPSAS ტრენინგები სამსახურის წარმომადგენლებისათვის.
- სამსახურის თანამშრომლებისათვის დაფინანსდა საერთაშორისო სასერთიფიკატო პროგრამები (ACCA, CFA, CIA, IT და სხვ.).
- სამსახურის წარმომადგენელმა გაიარა აშშ-ს მთავრობის ანგარიშვალდებულების სამსახურის 4 თვიანი საერთაშორისო პროფესიული მომზადების საერთაშორისო პროგრამა.
- შემოღებულ იქნა სახელმწიფო აუდიტის სამსახურისა და USAID-ის ერთობლივი ანაზღაურებადი ერთწლიანი სტაჟირების პროგრამა, სადაც ხუთი წარმატებული სტაჟიორიდან სამი სამსახურში დასაქმდა.
- სამსახურის წარმომადგენელთა გამოცდილებისა და ცნობიერების ამაღლებისათვის გაიმართა სხვადასხვა ტრენინგი აუდიტის ანგარიშის წერის დაინტერესებულ მხარეებთან კომუნიკაციის გაძლიერების მიმართულებით.
- ეფექტიანობის აუდიტის ბლოგს დაემატა ახალი თარგმანების მოდული, სადაც ქვეყნდება საერთაშორისო პარტნიორების (GAO-ს, NAO-ს) პრაქტიკის ამსახველი ბლოგ-პოსტები.
- განახლდა სამსახურისა და სსიპ - საჯარო აუდიტის ინსტიტუტის ვებ-გვერდები.
- შემუშავდა სსიპ - საჯარო აუდიტის ინსტიტუტის სტრატეგია და სამოქმედო გეგმა, კომუნიკაციის სტრატეგია, შეიქმნა საჯარო სექტორის აუდიტორული მომსახურების სასერთიფიკაციო პროგრამის სახელმძღვანელო, განხორციელდა სასწავლო კურსები სამსახურის თანამშრომლებისა და ინსტიტუტის ტრენერებისთვის.
