დეპარტამენტის ძირითადი ამოცანა სამსახურის საქმიანობის სამართლებრივი მხარდაჭერაა.
თავისი კომპეტენციის ფარგლებში, დეპარტამენტი:
- მუშაობს სამსახურის საქმიანობის მომწესრიგებელი ნორმატიული ბაზის სრულყოფის საკითხებზე (ამზადებს საკანონმდებლო და კანონქვემდებარე ნორმატიული აქტების პროექტებს, ახორციელებს შემოსული ნორმატიული აქტების პროექტების სამართლებრივ ექსპერტიზას);
- ახორციელებს სამსახურის ინდივიდუალური ადმინისტრაციულ-სამართლებრივი აქტების, ხელშეკრულებების, მემორანდუმების პროექტების მომზადების სამართლებრივ უზრუნველყოფას;
- სამართლებრივ კონსულტაციას უწევს სამსახურის სხვა სტრუქტურულ ერთეულებს;
- ახორციელებს აუდიტის ანგარიშებსა და სხვა საკითხებზე შემოსულ საჩივრებთან/განცხადებებთან დაკავშირებული ადმინისტრაციული წარმოებების სამართლებრივ უზრუნველყოფას;
- ახორციელებს აუდიტის ჩატარებისთვის საჭირო ინფორმაციის გამოთხოვის შესახებ სასამართლო შუამდგომლობების მომზადების, ასევე აუდიტორული საქმიანობისთვის ხელის შეშლის ფაქტზე ადმინისტრაციული სამართალდარღვევის საქმისწარმოების სამართლებრივ უზრუნველყოფას;
- უზრუნველყოფს სასამართლო და სხვა ადმინისტრაციულ ორგანოებში სამსახურის წარმომადგენლობითი უფლებამოსილების განხორციელებას.
