სახელმწიფო აუდიტის სამსახური

ხელვაჩაურის მუნიციპალიტეტი ფინანსური და შესაბამისობის აუდიტის ანგარიში 29 დეკემბერი, 2014

აუდიტის დეპარტამენტმა აჭარის ავტონომიურ რესპუბლიკაში განახორციელა ხელვაჩაურის მუნიციპალიტეტის 2013 წლის ფინანსური და შესაბამისობის აუდიტი. აუდიტის შედეგად გამოვლინდა შემდეგი დარღვევა - ნაკლოვანებები:

  1. ხელვაჩაურის მუნიციპალიტეტში სხვადასხვა სამშენებლო-სარეკონსტრუქციო სამუშაოების განხორციელებისას, სათანადო დასაბუთების გარეშე გაგრძელებულია სამუშაოების შესრულების ვადები  და სამუშაოების არაჯეროვნად შესრულების პირობებში არ არის დაკისრებული პირგასამტეხლო, რაც 7 369 ლარის საბიუჯეტო სახსრების არაპროდუქტიულ განკარგვაზე მიუთითებს.
  2. მაჭახლის ხეობისათვის  სამგზავრო ავტობუსის შეძენასთან დაკავშირებით, სათანადო დასაბუთების არარსებობის პირობებში, მიმწოდებლისთვის გადახდილია 75 500 ლარი, საიდანაც 38 741 ლარი წარმოადგენს ფასნამატს და საბიუჯეტო რესურსების არაეკონომიურ განკარგვაზე მიუთითებს.
  3. ხელვაჩაურის  მუნიციპალიტეტში განხორციელებულ სხვადასხვა სამშენებლო სამუშაოებთან დაკავშირებით, გამარტივებული შესყიდვით, ფაქტობრივად გაწეული ხარჯების წარმოუდგენლობის პირობებში, კანონშეუსაბამოდ, პროცენტული  გაანგარიშებით სატრანსპორტო ხარჯებისათვის გადახდილია 2 691 ლარი, რაც საბიუჯეტო სახსრების არამიზნობრივ  განკარგვაზე  მიუთითებს.  

            აუდიტის შედეგად გამოვლენილ ნაკლოვანებებთან დაკავშირებით, აუდიტის დეპარტამენტის მიერ გაცემულ  იქნა შესაბამისი რეკომენდაციები. ამასთანავე, აუდიტის ანგარიში შემდგომი შესწავლის მიზნით გადაეგზავნა სამართალდამცავ ორგანოებს.

იხ. ანგარიშის სრული ვერსია