სახელმწიფო აუდიტის სამსახურმა 2012-2013 წლებში ჩაატარა სახელმწიფო წილობრივი მონაწილეობით შექმნილი საწარმოების შესაბამისობის აუდიტი, რის შედეგადაც გამოვლინდა შემდეგი გარემოებები:
სახელმწიფო აუდიტის სამსახურმა ვერ მოიპოვა საკმარისი და შესაფერისი მტკიცებულებები, რათა მიეღო დასაბუთებული რწმუნება კომპანიის მიერ 01.01.2012–31.07.2013 წლების პერიოდში განხორციელებული საქმიანობის მოქმედ კანონმდებლობასა და სხვა მარეგულირებელ ნორმებთან შესაბამისობის შესახებ. სსიპ „სახელმწიფო ქონების ეროვნული სააგენტოსგან“ მიღებული ინფორმაციის თანახმად, ცენტრი 2012 წლის განმავლობაში არ ახორციელებდა საფინანსო-სამეურნეო საქმიანობას, ხოლო შპს „ქართული კინოს განვითარების ცენტრის“ 2013 წლის 6 სექტემბრის ცნობის თანახმად, 2013 წლის 13 ივნისს ცენტრის ხელმძღვანელობის ცვლილების დროს, არ მომხდარა საფინანსო, საბუღალტრო, მიმოწერის და საქმიანობის ამსახველი სხვა დოკუმენტაციის გადმობარება.
გამოთქმულია მოსაზრება დასკვნაზე უარის გაცემის შესახებ.
იხ. სრული ვერსია
