აუდიტის დეპარტამენტმა აჭარის ავტონომიურ რესპუბლიკაში განახორციელა შპს „ბათუმის N1 პოლიკლინიკის“ 2012 წლის ფინანსური და შესაბამისობის აუდიტი. აუდიტის შედეგად გამოვლინდა რიგი დარღვევა-ნაკლოვანებები, კერძოდ:
შპს „ბათუმის N1 პოლიკლინიკის“ სარგებლობაშია სახელმწიფოს, ქალაქ ბათუმის მუნიციპალიტეტის და შპს „ბათუმის რესპუბლიკური კლინიკური საავადმყოფოს“ საკუთრებაში არსებული უძრავი და მოძრავი ქონება, რომლის სარგებლობის უფლების დამადასტურებელი რაიმე სახის დოკუმენტი ვერ იქნა წარმოდგენილი.
პოლიკლინიკის დირექტორის 2012 წლის ხელფასმა შეადგინა 40 603 ლარი, საიდანაც პარტნიორის მიერ დანიშნული ხელფასი შეადგენს მხოლოდ 13 143 ლარს, ხოლო დანარჩენი 27460 ლარის დარიცხვა და გაცემა განხორციელებულია პარტნიორთან შეთანხმების გარეშე. პარტნიორთან შეთანხმების გარეშე გადახდილი ხელფასის კომპანიისათვის დაბრუნების საკითხი ექვემდებარება პარტნიორის მხრიდან გადაწყვეტილების მიღებას.
გარდა აღნიშნულისა, პოლიკლინიკის დირექტორის მხრიდან ფიქსირდება საანგარიშო თვეში საშვებულებო ანაზღაურებისა და ხელფასის ერთდროულად მიღების შემთხვევა.
აღნიშნულ ხარვეზებთან დაკავშირებით აუდიტის დეპარტამენტის მიერ გაცემულ იქნა შესაბამისი რეკომენდაციები, რომელთა გათვალისწინებაც ხელს შეუწყობს კომპანიის მართვის პროცესის გაუმჯობესებას.
