აუდიტის დეპარტამენტმა აჭარის ავტონომიურ რესპუბლიკაში განახორციელა შეზღუდული პასუხისმგებლობის საზოგადოება ,,ბათუმის წყალის“ 2013 წლის ფინანსური და შესაბამისობის აუდიტი. აუდიტის შედეგად გამოვლინდა რიგი დარღვევა-ნაკლოვანებები:
შპს „ბათუმის წყალის“ მიერ საგადასახადო ორგანოშო წარდგენილი დეკლარაციების შესაბამისად, 2013 წელს დამატებული ღირებულების გადასახადით დასაბეგრი ბრუნვა 6 912 ათასი ლარით განისაზღვრა. თუმცა დასაბეგრ ბრუნვაში არ არის გათვალისწინებული 1 232 ათასი ლარი. აქვე არსანიშნავია, რომ საგადასახადო ორგანოში არ არის წარდგენილი 2013 წლის მაისის თვის დეკლარაცია.
ქალაქ ბათუმის საკრებულოს თავმჯდომარის ნებართვის საფუძველზე, შემსყიდველი ორგანიზაციის გამართული და უწყვეტი ფუნქციონირებისათვის, გამატივებული შესყიდვის გზით გაფორმდა ხელშეკრულება შპს „ბათუმმშენი 2005“-თან, ავტომანქანა „MITSUBISHI L200“-სა და ავტომანქანა “RENAULT KANGOO”-ს მიწოდების შესახებ. ხელშეკრულების ღირებულება 77,0 ათასი ლარით განისაზღვრა. წარმოდგენილი დოკუმენტაციით, უნივერსალი ფურგონი ავტომანქანისათვის სატენდერო დოკუმენტაციით მოთხოვნილი სიმაღლე და საბარგულის მოცულობა განსხვავებულია გაფორმებულ ხელშეკრულებაში მითითებული პარამეტრებისაგან, რაც ეწინააღმდეგება მოქმედი კანონმდებლობის მოთხოვნებს.
