7-19 ივნისს, სახელმწიფო აუდიტის სამსახურისა და შვედეთის ეროვნული აუდიტის სამსახურის (SNAO) ეფექტიანობის აუდიტის წარმომადგენლებს შორის სამუშაო შეხვედრები გაიმართა.
მხარეებმა განიხილეს მიმდინარე ეფექტიანობის აუდიტის გეგმები, რომლებიც შვედი ექსპერტების მეთოდოლოგიური მხარდაჭერით ხორციელდება, კერძოდ, მეცნიერების განვითარების ხელშეწყობისა და პროფესიული განათლების სისტემა.
ვიზიტის ფარგლებში შვედმა ექსპერტებმა ჩაატარეს სემინარი, რომელიც ეფექტიანობის აუდიტის ახალი თემების შერჩევის კრიტერიუმებს ეხებოდა. ასევე, განიხილეს დასრულებული ეფექტიანობის აუდიტების შედეგად გაცემული რეკომენდაციების დანერგვის მონიტორინგის სისტემა.
შვედეთის ეროვნული აუდიტის სამსახურისა და საქართველოს სახელმწიფო აუდიტის სამსახურების თანამშრომლობა, ურთიერთთანამშრომლობის მემორანდუმის ფარგლებში, 2014 წლამდე გაგრძელდება.
