საქართველოს კონტროლის პალატას შვედეთის ეროვნული აუდიტორული ოფისის დელეგაცია ეწვია. ვიზიტი 15 აპრილამდე გასტანს და მისი მიზანია ფინანსური აუდიტის ახალი მეთოდოლოგიების პრაქტიკული განხორციელება.
დელეგაცია კონტროლის პალატას მიმდინარე წლის 23 მარტს გაფორმებული ურთიერთგაგების მემორანდუმის საფუძველზე სტუმრობს. ზემოხსენებული მემორანდუმი ითვალისწინებს, რომ დახმარება გაეწიოს საქართველოს კონტროლის პალატას თავისი მანდატის შესაბამისი საქმიანობის განხორციელებასა და საქართველოს საჯარო მმართველობის სფეროში საკუთარი როლის ეფექტიანად შესრულების საქმეში, სხვადასხვა, მათ შორის - ფინანსური აუდიტის მიმართულებით.
