24 აპრილს, გენერალური აუდიტორი ლაშა თორდია გერმანიის საერთაშორისო თანამშრომლობის საზოგადოების (GIZ) ორგანიზებით, სლოვენიის უმაღლესი აუდიტორული ინსტიტუტის ეფექტიანობის აუდიტის დეპარტამენტის უფროსს, მიროსლავ კრანცს შეხვდა.
ვიზიტის ფარგლებში მხარეებმა განიხილეს სახელმწიფო აუდიტის სამსახურის ეფექტიანობის აუდიტის დეპარტამენტის 2013 – 2017 წლების სტრატეგიული განვითარების გეგმა და ეფექტიანობის აუდიტის ხარისხის უზრუნველყოფის პროცედურები. სამუშაო შეხვედრაზე მიროსლავ კრანცმა გამართა, პრეზენტაცია, ეფექტიანობის აუდიტის გამოწვევებისა და სლოვენიაში აღნიშნული სამსახურის გამოცდილების შესახებ. მიროსლავ კრანცი სახელმწიფო აუდიტის სამსახურს პირველად ეწვია. აღნიშნული სამუშაო შეხვედრები 26 აპრილამდე გაგრძელდება.
