დღეს, 26 თებერვალს, გერმანულ სახლში, საქართველოს პარლამენტის საფინანსო-საბიუჯეტო კომიტეტის წევრებს ეფექტიანობის აუდიტის დეპარტამენტმა წარუდგინა შესყიდვების სისტემის ეფექტიანობის აუდიტის ანგარიში.
აღნიშნულ შეხვედრას ასევე ესწრებოდნენ გენერალური აუდიტორი ლაშა თორდია, გერმანელი ექსპერტი, ჰორსტ რაიმუნდ ვულე და საქართველოს პარლამენტის საფინანსო-საბიუჯეტო კომიტეტის თავმჯდომარე, დავით ონოფრიშვილი.
შეხვედრის ფარგლებში მხარეებმა განიხილეს სახელმწიფო აუდიტის სამსახურის მიერ განხორციელებული სახელმწიფო შესყიდვების სისტემის ეფექტიანობის აუდიტის შედეგები, შესყიდვების სისტემაში გამოვლენილი ხარვეზები და აუდიტის სამსახურის მიერ გაცემული რეკომენდაციები.
პარლამენტის წევრებმა გამოთქვეს მოსაზრებები აღნიშნულ პრობლემებთან დაკავშირებით. აღინიშნა ასევე შესყიდვების პროცესის გამჭვირვალობისა და შემდგომი განვითარების მნიშვნელობა, რათა კიდევ უფრო ეფექტიანი გახდეს საქართველოს შესყიდვების სისტემა.
