სახელმწიფო აუდიტის სამსახურმა ჩაატარა ქ. თბილისის მერიის მიერ 2009-2011 წლებში ქალაქის სატრანსპორტო ინფრასტრუქტურის მოწესრიგების ღონისძიებების ფარგლებში გაწეული საქმიანობის შესაბამისობის აუდიტი. ჩატარებული აუდიტის შედეგად გამოვლინდა არსებითი ხასიათის დარღვევა-ნაკლოვანებები. კერძოდ:
1. გამოვლინდა შემთხვევები, როდესაც ზოგიერთი ინტელექტუალური მომსახურეობის შესყიდვა სავარაუდოდ შესაძლებელი იყო უფრო ნაკლები დანახარჯებით. მაგალითად:
2009 წელს ქ. თბილისის მერიამ განახორციელა „დედაქალაქის ქუჩებში საცობებისა და შეფერხებული მოძრაობის გამომწვევი მიზეზების კვლევა“ და „შუქნიშნებსა და გზაჯვარედინებზე არსებული მდგომარეობის კვლევა“, რაშიც 10 კითხვიანი კითხვარის შევსებაში, ერთ რესპონდენტზე საშუალოდ გადაიხადა 100 ლარი. მთლიანად აღნიშნულ კვლევებზე დახარჯულია 84 ათასი ლარი.
აგრეთვე, 2009 წელს მერიამ შეისყიდა 10 გზაჯვარედინის რეორგანიზაციის საპროექტო სახარჯთაღრიცხვო დოკუმენტაციის შედგენის სამუშაოების შესყიდვა 173 ათას ლარად, მაშინ როდესაც ანალოგიური პროექტის შედგენაში 2008 წელს მერიამ 2 გზაჯვარედინზე გადაიხადა 6 ათასი ლარი.
იხ. ვრცლად
