საქართველოს სახელმწიფო აუდიტის სამსახურსა (SAO) და პოლონეთის რესპუბლიკის უმაღლესი აუდიტის სამსახურს (The NIK) შორის ურთიერთთანამშრომლობის მემორანდუმი გაფორმდა.
მემორანდუმი მიზნად ისახავს მხარეებს შორის თანამშრომლობის გაძლიერებასა და ურთიერთობის გაღრმავებას. აღნიშნული მემორანდუმის ფარგლებში დაიგეგმება სახელმწიფო აუდიტის სამსახურისა და პოლონეთის რესპუბლიკის უმაღლესი აუდიტის სამსახურის ხელმძღვანელი პირების შეხვედრები, რაც გულისხმობს ინფორმაციის გაცვლას უმაღლესი აუდიტორული სამსახურების საქმიანობის შესახებ.
მემორანდუმის ფარგლებში სახელმწიფო აუდიტის სამსახურისა და პოლონეთის რესპუბლიკის უმაღლესი აუდიტის სამსახურის თანამშრომლებისთვის ჩატარდება ტრენინგები და სემინარები, რაც ხელს შეუწყობს აუდიტორების პროფესიულ წინასვლას.
მემორანდუმს ხელი მოაწერეს სახელმწიფო აუდიტის სამსახურის გენერალურმა აუდიტორმა, ლაშა თორდიამ და პოლონეთის რესპუბლიკის უმაღლესი აუდიტის სამსახურის პრეზიდენტმა, კრიჟშტოფ კვიატკოვსკიმ.
