სახელმწიფო აუდიტის სამსახური

ტაჯიკეთის სამთავრობო დელეგაცია სახელმწიფო აუდიტის სამსახურის მუშაობას გაეცნო 27 სექტემბერი, 2019

სახელმწიფო აუდიტის სამსახურს მუშაობის სპეციფიკის გაცნობისა და გამოცდილების გაზიარების მიზნით  ტაჯიკეთის სამთავრობო დელეგაცია  ეწვია.

ტაჯიკეთის დელეგაციის წევრებს გენერალური აუდიტორის მოადგილე ეკა ღაზაძე და დეპარტამენტების წარმომადგენლები შეხვდნენ და  სამსახურის სტრუქტურა, პრიორიტეტები და  პარტნიორებთან მუშაობის გამოცდილება გააცნეს, ასევე    წარუდგინეს პრეზენტაციები ბიუჯეტის ანალიზის, ქვეყანაში ანტიკორუფციული ღონისძიებებისა და ეფექტიანობის აუდიტების შესახებ.

ტაჯიკეთის დელეგაციიდან  შეხვედრას ესწრებოდნენ  საგარეო საქმეთა სამინისტროს, პრეზიდენტის აპარატის, გენერალური პროკურატურის სამსახურის, ტაჯიკეთის  ანტიკორუფციული სააგენტოს წარმომადგენლები, ასევე დუშანბეში ეუთოს წარმომადგენლობის თანამშრომლები.