23 დეკემბერს სახელმწიფო აუდიტის სამსახურში გაიმართა მიმდინარე წელს ბოლო, სტრატეგიული დაგეგმვის სამუშაო ჯგუფის რიგით მე-10 შეხვედრა.
სამუშაო ჯგუფის საქმიანობის ფარგლებში განახლდა სახელმწიფო აუდიტის სამსახურის 2014-2017 წლების სტრატეგიული განვითარების გეგმა, რომელიც წლის ბოლომდე დამტკიცდება პრეზიდიუმის გადაწყვეტილებით (იხ. დოკუმენტი).
სტრატეგიული დაგეგმვის სამუშაო ჯგუფი ინტენსიურ შეხვედრებს გააგრძელებს 2016 წელსაც. ინტენსიური დისკუსიებისა და მუშაობის ფარგლებში იგეგმება სას-ის შიდაორგანიზაციული პროცესების გაუმჯობესება, სტრატეგიული და სამოქმედო გეგმების მონიტორინგი და განხორციელება.
სახელმწიფო აუდიტის სამსახური მადლობას უხდის სამუშაო ჯგუფის თითოეულ წევრს აქტიური თანამშრომლობისთვის.
