სახელმწიფო აუდიტის სამსახურმა ჩაატარა სსიპ "საქართველოს სტანდარტებისა და მეტროლოგიის ეროვნული სააგენტოს“ 2011 და 2012 წლების ფინანსური და შესაბამისობის აუდიტი.
2011 და 2012 წლების ინვენტარიზაციის აქტებში ასახული აქტივებისა და ვალდებულების ღირებულება მნიშვნელოვნად განსხვავდება ბუღალტრულ ჩანაწერებში არსებული მონაცემებისგან, ინვენტარიზაცია არ არის ჩატარებული სააგენტოს ყველა რეგიონალურ სტრუქტურულ ერთეულში.
მნიშვნელოვანი ნაკლოვანებები გამოვლინდა ბუღალტრული აღრიცხვის კუთხით, კერძოდ ძირითადი საშუალებების, შემოსავლების, ხარჯების, ფინანსური აქტივებისა და ვალდებულებების აღრიცხვასთან დაკავშირებით. აღნიშნულის გამომწვევი ძირითადი მიზეზია სააგენტოში სააღრიცხვო და შიდა ფინანსური კონტროლის სისუსტე.
გამოვლენილი საკითხების ფინანსურ ანგარიშგებაზე გავლენის მნიშვნელობის გამო, სახელმწიფო აუდიტის სამსახურმა არ გამოთქვა აუდიტორული მოსაზრება წარმოდგენილი ფინანსური ანგარიშგების შესახებ.
შესაბამისობის აუდიტთან დაკავშირებით გამოვლინდა შემდეგი შეუსაბამობები:
,,საქონელი და მომსახურების“ მუხლით გათვალისწინებული 42,155 ლარიდან არამართებულად იქნა გაწეული 39,155 ლარის ოდენობის კაპიტალური დანახარჯები, რაც შეუსაბამოა სახელმწიფო ბიუჯეტის შესახებ კანონთან.
ზოგიერთი ავტომობილის შემთხვევაში, საწვავი გახარჯულია დამტკიცებულ ლიმიტზე მეტი ოდენობით.
ბუღალტრული ჩანაწერების მიხედვით ჩამოწერილი საწვავის რაოდენობა, არ ემთხვევა დოკუმენტებით ჩამოწერილ ოდენობებს.
იხ. ვრცლად სრული ანგარიში
