სახელმწიფო აუდიტის სამსახურის აუდიტორებმა კომპეტენციების განვითარების ტრენინგები გაიარეს, რომელიც ჯანმრთელობის დაცვისა და განათლების სფეროებში ბოლო პერიოდის გამოწვევებისადმი თანამედროვე მიდგომებს მოიცავდა.
სახელმწიფო აუდიტორებისთვის სფეროების ტრენინგკურსების პრაქტიკა დამკვიდრებული აქვს აშშ-ის მთავრობის ანგარიშვალდებულების სამსახურს (GAO). ამერიკული გამოცდილება კოლეგებს გააცნო სოციალური სფეროს აუდიტის დეპარტამენტის უფროსის მოადგილემ მარიამ ზაალიშვილმა, რომელიც 2019 წელს, აშშ-ის მთავრობის ანგარიშვალდებულების სამსახურში, პროფესიული განვითარების ოთხთვიან პროგრამაში მონაწილეობდა და ასევე, უშუალოდ იყო ჩართული აუდიტორულ კვლევებში.
ჯანდაცვისა და განათლების სფეროების ტრენინგები სოციალური სფეროს აუდიტის დეპარტამენტის 30-ზე მეტმა თანამშრომელმა გაიარა.
პროგრამა, რომელსაც ჯანდაცვისა და განათლების სფეროების გამოცდილი სპეციალისტები უძღვებოდნენ, გერმანიის საერთაშორისო თანამშრომლობის საზოგადოების (GIZ) ხელშეწყობით საჯარო აუდიტის ინსტიტუტის ორგანიზებით განხორციელდა.
