სახელმწიფო აუდიტის სამსახურის აჭარის დეპარტამენტის უფროსმა, კახაბერ კირტავამ აჭარის ავტონომიური რესპუბლიკის უმაღლესი საბჭოს პლენარულ სხდომაზე „აჭარის ავტონომიური რესპუბლიკის 2021 წლის რესპუბლიკური ბიუჯეტის შესრულების შესახებ“ მოხსენება წარადგინა.
მოხსენებაში შეფასებულია აჭარის ა/რ 2021 წლის რესპუბლიკური ბიუჯეტით გათვალისწინებული შემოსულობებისა და გადასახდელების შედეგები. გაანალიზებულია როგორც ბიუჯეტის დაგეგმვასა და საბიუჯეტო სახსრების ათვისებაში არსებული ხარვეზები, ასევე პროგრამების/ღონისძიებების დაგეგმვასა და განხორციელებაში არსებული გამოწვევები.
სახელმწიფო აუდიტის სამსახურმა სხდომაზე ასევე წარადგინა რეკომენდაციები, რომელთა გათვალისწინება ხელს შეუწყობს ბიუჯეტის დაგეგმვა/შესრულების პროცესის სრულყოფასა და სახელმწიფო სექტორის ფინანსური სისტემის ფუნქციონირების გაუმჯობესებას.
