სახელმწიფო აუდიტის სამსახურსა და უკრაინის საანგარიშო პალატას შორის ურთიერთთანამშრომლობის მემორანდუმი გაფორმდა. დოკუმენტი ორი ქვეყნის უმაღლეს აუდიტორულ ინსტიტუციას შორის საუკეთესო პრაქტიკის გაზიარებისა და პროფესიული უნარ-ჩვევების გაძლიერების მიზნით, გამოცდილების გაცვლას ითვალისწინებს.
მემორანდუმს ხელი გენერალურმა აუდიტორმა ირაკლი მექვაბიშვილმა და უკრაინის საანგარიშო პალატის თავმჯდომარემ ვალერი პატსკანმა მოაწერეს.
უკრაინის საანგარიშო პალატის დელეგაცია საქართველოში ორდღიანი სამუშაო ვიზიტით იმყოფებოდა, რომლის განმავლობაში სტუმრები სახელმწიფო აუდიტის სამსახურში, აუდიტორულ საქმიანობაში არსებულ პრაქტიკებს, მეთოდოლოგიებს და უახლოს პერიოდში დანერგილ სიახლეებს გაეცნენ.
მემორანდუმის ფარგლებში უკრაინის საანგარიშო პალატასთან აუდიტორულ საქმიანობასთან დაკავშირებული სხვადასხვა ფორმატის სამუშაო შეხვედრები დაიგეგმა.
