სახელმწიფო აუდიტის სამსახური დაინტერესდა სასწრაფო სამედიცინო დახმარების სფეროში განხორციელებული ცვლილებებით. შეისწავლა სასწრაფო დახმარების სისტემის ეკონომიურობის, პროდუქტიულობისა და ეფექტიანობის საკითხები და გასცა შესაბამისი რეკომენდაციები. აუდიტის პერიოდმა მოიცვა 2010-2012 წლები და 2013 წლის პირველი ნახევარი.
აუდიტის მოტივი
სასწრაფო სამედიცინო დახმარების პროგრამების მთავარ მიზნებს წარმოადგენს გადაუდებელი მდგომარეობების დროს გართულებებისა და ლეტალური გამოსავლის შემცირება. აღნიშნულის მიღწევა შესაძლებელია დროული რეაგირებით და გაწეული მომსახურების ხარისხით.
საქართველოს სტატისტიკის ეროვნული სამსახურის მონაცემებით, 2000 წლიდან 2013 წლამდე სასწრაფო სამედიცინო დახმარებით მოსახლეობის მომსახურების სტატისტიკა წლების მიხედვით მკვეთრად იზრდება. გამოძახებათა რაოდენობის ზრდა და მომსახურების დროული გაწევა აქტუალური თემა გახდა საზოგადოებისთვის.
იხ. ვრცლად
