დღეს, 17 მაისს საჯარო სექტორის აუდიტორული მომსახურების გაწევის მსურველ პირთა სერტიფიცირების პროცესი დაიწყო. აღნიშნული სერტიფიცირება საქართველოში პირველად ტარდება და განსაკუთრებით მნიშვნელოვანია საჯარო სექტორის აუდიტორული მომსახურების სფეროს განვითარებისათვის.
სერტიფიცირების გავლის სურვილი 38-მა პირმა გამოთქვა. ისინი თვენახევრის განმავლობაში გაივლიან სპეციალურ საკვალიფიკაციო კურსს, რომლის დასრულების შემდეგ, სასერტიფიკაციო გამოცდის წარმატებით ჩაბარების შემთხვევაში, მიიღებენ საჯარო სექტორში აუდიტორული მომსახურების გაწევის უფლების დამადასტურებელ ხუთწლიანი მოქმედების ვადის მქონე სერტიფიკატს.
სახელმწიფო აუდიტის სამსახური და საჯარო აუდიტის ინსტიტუტი სერტიფიცირებაში მონაწილე კანდიდატებს უსურვებს წარმატებებს!
საჯარო სექტორის აუდიტორული მომსახურების სასერტიფიკაციო პროგრამა მომავალშიც გაგრძელდება.
