17-19 ივნისს, სახელმწიფო აუდიტის სამსახურმა შვედეთის ეროვნული აუდიტორული სამსახურის (SNAO) ორგანიზებით, შვედეთისა და ლატვიის ეროვნული აუდიტორული სამსახურის (SAO of Latvia) წარმომადგენლებს უმასპინძლა.
ვიზიტის მიზანი იყო ლატვიის ეროვნული აუდიტორული სამსახურისა და საქართველოს სახელმწიფო აუდიტის სამსახურის მომავალი თანამშრომლობის საკითხების განსაზღვრა.
სამუშაო შეხვედრებზე მხარეებმა წარმოადგინეს საკუთარი აუდიტორული პრაქტიკის პრეზენტაციები, სახელმწიფო ბიუჯეტის შესრულების ანგარიში, ფინანსური აუდიტის მეთოდოლოგია, აგრეთვე საგადასახადო შემოსავლების აუდიტისა და ინფორმაციული ტექნოლოგიების აუდიტის საკითხები.
ვიზიტის ფარგლებში მხარეებმა ასევე განიხილეს სახელმწიფო აუდიტის სამსახურში ელექტრონული აუდიტის პროგრამის დანერგვის შესაძლებლობები.
საქართველოს სახელმწიფო აუდიტის სამსახური და ლატვიის სახელმწიფო აუდიტის სამსახური მომავალშიც განაგრძობს თანამშრომლობას აღნიშნულ საკითხებთან დაკავშირებით.
