10 ივლისს სასტუმრო „რადისონ ბლუ ივერიაში“ კორუფციის წინააღმდეგ ბრძოლის უწყებათაშორისი საკოორდინაციო საბჭოს რიგით მე-13 სხდომა გაიმართა. სხდომას ესწრებოდნენ საბჭოს წევრები: საქართველოს აღმასრულებელი, საკანონმდებლო და სასამართლო ხელისუფლების უმაღლესი თანამდებობის პირები, არასამთავრობო და საერთაშორისო ორგანიზაციებისა და ბიზნესსექტორის წარმომადგენლები.
სხდომის ძირითადი მიზანი იყო 2015-2016 წლების ეროვნული ანტიკორუფციული გეგმის შესრულების პროგრესის შეფასება, ანტიკორუფციული საბჭოს სამდივნოს მიერ მომზადებული ანგარიშის საფუძველზე. ანგარიშში ასახულია ინფორმაცია 2015 წლის იანვარ-ივნისის პერიოდში პასუხისმგებელი უწყებების მიერ კორუფციის პრევენციის მიზნით განხორციელებული ღონისძიებების იმპლემენტაციის პროცესის დეტალებისა და შედეგების შესახებ, ასევე რა წარმატებები და გამოწვევები აქვს ქვეყანას კორუფციის შემცირება/აღმოფხვრის კუთხით.
ანგარიში მომზადდა სახელმწიფო უწყებებიდან (მათ შორის, სახელმწიფო აუდიტის სამსახური) მიღებულ ინფორმაციასა და არასამთავრობო ორგანიზაციების მოსაზრებებზე დაყრდნობით.
ანტიკორუფციული საბჭოს სამდივნოს შეფასების შედეგად გამოვლინდა, რომ 2015 წლის პირველი 6 თვის განმავლობაში, კორუფციის პრევენციისა და მის წინააღმდეგ ბრძოლის თვალსაზრისით, პასუხისმგებელი უწყებების მიერ მიღწეულ იქნა მნიშვნელოვანი პროგრესი. კერძოდ, სამოქმედო გეგმით გათვალისწინებული 199 მიზნიდან სრულად მიღწეულ იქნა 123, ხოლო უმეტესად და ნაწილობრივ − 41.
აღსანიშნავია,, რომ სახელმწიფო აუდიტის სამსახური ანტიკორუფციულ საბჭოში წარმოდგენილია ორ თემატურ სამუშაო ჯგუფში:კორუფციის პრევენცია საჯარო ფინანსების და სახელმწიფო შესყიდვების სფეროში დაპოლიტიკური კორუფციის პრევენცია.
კორუფციის პრევენცია საჯარო ფინანსების და სახელმწიფო შესყიდვების სფეროში და პოლიტიკური კორუფციის პრევენცია.
საბჭომ 2015-2016 წლის ანტიკორუფციული სამოქმედო გეგმის ფარგლებში სახელმწიფო აუდიტის სამსახურის მიერ საანგარიშო პერიოდში განსახორციელებელი 17 სამიზნედან 13 ჩათვალა სრულად შესრულებულად, 3 - ნაწილობრივად, ხოლო 1 -შეუსრულებლად.
