დღეს, 5 დეკემბერს, გერმანიის საერთაშორისო თანამშრომლობის საზოგადოებისა (GIZ) და სახელმწიფო აუდიტის სამსახურის ორგანიზებით გაიმართა კონფერენცია -„ფინანსების მართვის ეფექტიანობა საჯარო სექტორში“.
კონფერენციაში მონაწილეობა მიიღეს: სახელმწიფო აუდიტის სამსახურმა, საქართველოს ფინანსთა სამინისტრომ, საქართველოს პარლამენტის საფინანსო-საბიუჯეტო კომიტეტის, დარგობრივი სამინისტროებისა და მხარჯავი უწყებების საბიუჯეტო და დაგეგმვის დეპარტამენტების წარმომადგენლებმა და საერთაშორისო ექსპერტებმა.
კონფერენციის მიზანია სახელმწიფო აუდიტის სამსახურის ეფექტიანობის აუდიტის სფეროში დაგროვილი გამოცდილების გაზიარება და საჯარო სექტორში ფინანსების მართვის ეფექტიანობის გაზრდა.
სახელმწიფო აუდიტის სამსახურმა 2012 წელს გამოაქვეყნა ეფექტიანობის აუდიტის პირველი ანგარიშები, რომლებიც აუდიტის საერთაშორისო სტანდარტების შესაბამისად მომზადდა. ამას წინ უძღვოდა აუდიტის მეთოდოლოგიის შემუშავება და სახელმწიფო აუდიტის სამსახურში დასაქმებული კადრების გადამზადება.
გერმანიის საერთაშორისო თანამშრომლობის საზოგადოება (GIZ) და სხვა საერთაშორისო პარტნიორები მხარს უჭერენ აღნიშნულ რეფორმებს.
იხ.ვიდეო
