სახელმწიფო აუდიტის სამსახური

კონფერენცია თემაზე: „საქართველოს ანტიკორუფციული პოლიტიკის გამოწვევები“ 09 დეკემბერი, 2014

9 დეკემბერს, სასტუმრო „ქორთიარდ მარიოტში“ გაიმართა კონფერენცია „საქართველოს ანტიკორუფციული პოლიტიკის გამოწვევები“. კონფერენციაზე წარმოდგენილ იქნა საქართველოს ეროვნული ანტიკორუფციული სისტემის ზოგადი მიმოხილვა და ყურადღება გამახვილდა ანტიკორუფციული პოლიტიკის მიღწევებსა და სისუსტეებზე.

სახელმწიფო აუდიტის სამსახურის გენერალურმა აუდიტორმა, ლაშა თორდიამ, როგორც მოწვეულმა მომხსენებელმა, კორუფციის პრევენციაში სახელმწიფო აუდიტის სამსახურის როლზე ისაუბრა. სახელმწიფო შესყიდვებისა და ქონებრივი დეკლარაციების სისტემების შესახებ თავიანთი მოსაზრებები წარმოადგინეს კონფერენციის მონაწილე არასამთავრობო ორგანიზაციებმა. 

კონფერენცია - „საქართველოს ანტიკორუფციული პოლიტიკის გამოწვევები“, „საერთაშორისო გამჭვირვალობა - საქართველოს“ ინიციატივით მოეწყო და დაფინანსდა ევროკაშირის მიერ.