სსიპ საჯარო აუდიტის ინსტიტუტში შექმნილმა საპრეტენზიო კომისიამ განიხილა ლ. ოქრომჭედლიშვილის, თ. ჯუღელისა და ს. ჯავახიძის საპრეტენზიო განაცხადები და ნაწილობრივ დააკმაყოფილა აღნიშნულ განაცხადებში ასახული მოთხოვნები. კომისიის გადაწყვეტილებით ლ. ოქრომჭედლიშვილისა და თ. ჯუღელის მიერ მიღებულ შედეგებზე მომატებულ იქნა ერთი ქულა, ხოლო ს. ჯავახიძის მიერ მიღებულ შედეგებზე - 3 ქულა. განმცხადებელთა სხვა დანარჩენ ტესტებთან მიმართებაში მათი განაცხადებში არსებული პრეტენზიები კომისიის მიერ არ იქნა გაზიარებული და არ დაკმაყოფილდა.
ზემოაღნიშნული შედეგები დამტკიცებულ იქნა ინსტიტუტის საგამოცდო კომისიის მიერ, რის საფუძველზეც კიდევ ორმა კანდიდატმა (ლევან ოქრომჭედლიშვილმა და თამარ ჯუღელმა) გადალახეს საჯარო სექტორში აუდიტორული მომსახურების გაწევის უფლების მოპოვების მსურველ პირთა სასერტიფიკაციო გამოცდისათვის დირექტორის ბრძანებით განსაზღვრული ქულათა საერთო ოდენობის 65%-ზე მეტი ზღვარი.
