სახელმწიფო აუდიტის სამსახური

თვითმმართველი ქალაქის - ბათუმის საკრებულო, მერია - ფინანსური და შესაბამისობის აუდიტის ანგარიში 29 დეკემბერი, 2014

აუდიტის დეპარტამენტმა აჭარის ავტონომიურ რესპუბლიკაში განახორციელა თვითმმართველი ქალაქის - ბათუმის წარმომადგენლობითი და აღმასრულებელი ორგანოების დაფინანსების 2013 წლის ფინანსური და შესაბამისობის აუდიტი. აუდიტის შედეგად გამოვლინდა რიგი დარღვევა-ნაკლოვანებები, კერძოდ:

ბათუმის მერიამ, ადმინისტრაციული შენობების სარემონტო სამუშაოების სახელმწიფო შესყიდვაზე ელექტრონული ტენდერის  საშუალებით, ხელშეკრულება გაუფორმა შპს „პირამიდა 555“-ს. 2013 წლის 23 დეკემბერს ხელშეკრულებაში შევიდა ცვლილება, რომლითაც შეიცვალა რამდენიმე სახის სამუშაოს მოცულობა, ასევე დაემატა შვიდი დასახელების ახალი სამუშაო, ხოლო ერთ შემთხვევაში გაიზარდა  ერთეულის სახელშეკრულებო ფასი.

ქალაქ ბათუმის მუნიციპალიტეტის - აეროპორტისა და გონიო-კვარიათის ადმინისტრაციული ერთეულების სარგებლობაში არსებულ შენობა-ნაგებობებში განთავსებულია შპს „ბათუმის №1 პოლიკლინიკის“ ამბულატორიები. ქალაქ ბათუმის მერია 2013 წელს სათანადო საფუძვლის გარეშე იხდიდა შპს „ბათუმის №1 პოლიკლინიკის“ ამბულატორიების მიერ მოხმარებული  ელექტროენერგიის საფასურს.

აღნიშნულ ხარვეზებთან დაკავშირებით აუდიტის დეპარტამენტის მიერ გაცემულ  იქნა  აუდიტის ანგარიში და შესაბამისი რეკომედაციები.

იხ. ანგარიშის სრული ვერსია