დღეს, 16 სექტემბერს, საქართველოს სახელმწიფო აუდიტის სამსახურსა და ყაზახეთის რესპუბლიკის სახელმწიფო ბიუჯეტის აღსრულების მაკონტროლირებელი აუდიტის კომიტეტს შორის გაფორმდა ორმხრივი თანამშრომლობის ხელშეკრულება, რომელსაც ხელი მოაწერეს სახელმწიფო აუდიტის სამსახურის გენერალურმა აუდიტორმა ლაშა თორდიამ და ყაზახეთის რესპუბლიკის სახელმწიფო ბიუჯეტის აღსრულების მაკონტროლირებელი აუდიტის კომიტეტის ხელმძღვანელმა ომარხან ოქსიკბაიევმა.
უმაღლესი აუდიტორული ორგანოს საერთაშორისო ორგანიზაციის (INTOSAI) მიერ დაწესებული მიზნებისა და პრინციპების შესაბამისად, აღნიშნული ხელშეკრულებით,მხარეები საკუთარი კომპეტენციის ფარგლებში, ხელს შეუწყობენ თანამშრომლობას შემდეგ ძირითად საკითხებზე:
გარე სახელმწიფო აუდიტის მეთოდოლოგიასა და პროცედურებში გამოცდილების გაზიარება;
პროფესიული ტრენინგი და თანამშრომელთა პროფესიული სტანდარტების გაუმჯობესება;
მხარეთა პროფესიული საქმიანოების შესახებ ინფორმაციისა და დოკუმენტაციის გაცვლა-გამოცვლა;
კონსულტაციების, ერთობლივი კვლევების და აუდიტის, სემინარების, კონფერენციების და ტექნიკური შეხვედრების გამართვა.
იხ. ტელესიუჟეტები
