13-17 მაისს, სახელმწიფო აუდიტის სამსახურის დელეგაცია გენერალური აუდიტორის პირველი მოადგილის შოთა თარხნიშვილის ხელმძღვანელობით, ბულგარეთის ეროვნულ აუდიტორიულ ოფისს (BNAO) სამუშაო ვიზიტით სტუმრობდა.
ვიზიტის ფარგლებში, შეხვედრები გაიმართა ბულგარეთის ეროვნული აუდიტორული ოფისის (BNAO) პრეზიდენტთან პროფესორ ვალერი დიმიტროვთან, დეპარტამენტების უფროსებთან. ასევე, შეხვედრა გაიმართა ბულგარეთის ფინანსთა სამინისტროში.
შეხვედრებისას განხილულ იქნა ბულგარეთის ეროვნული აუდიტორული ოფისის სტრუქტურა, ეფექტიანობის აუდიტის მეთოდოლოგია, პოლიტიკური პარტიების ფინანსური მონიტორინგის საქმიანობის საკითხები და პარლამენტთან ურთიერთობის პრინციპები.
15 მაისს მხარეებმა გაფორმეს ურთიერთგაგების მემორანდუმი, რომელიც სახელმწიფო აუდიტის სამსახურსა და ბულგარეთის ეროვნულ აუდიტორულ ოფისს შორის თანამშრომლობას ითვალისწინებს.
