დღეს, 16 ივლისს, სახელმწიფო აუდიტის სამსახურის გენერალურმა აუდიტორმა ლაშა თორდიამ შეხვედრა გამართა გერმანიის ბუნდესტაგის საბიუჯეტო კომიტეტის აუდიტის ქვეკომიტეტის თავმჯდომარესთან, ბეტინა ჰაგედორნთან. ქ-ნი ჰაგედორნი გერმანიის საერთაშორისო თანამშრომლობის საზოგადოების პროგრამის (GIZ) „საჯარო ფინანსების მართვა სამხრეთ კავკასიაში“ მოწვევით იმყოფება საქართველოში.
იგი მონაწილეობას მიიღებს 17 ივლისს საქართველოს პარლამენტში GIZ-ის მიერ ორგანიზებულ მრგვალ მაგიდაში თემაზე: საპარლამენტო საფინანსო კონტროლის გაძლიერება, თანამშრომლობა სახელმწიფო აუდიტის სამსახურთან, თანამედროვე უმაღლესი აუდიტორული ორგანოს სამართლებრივი საფუძვლები და დამოუკიდებლობა.
გერმანიის საერთაშორისო თანამშრომლობის საზოგადოების პროგრამა (GIZ) ”საჯარო ფინანსების მართვა სამხრეთ კავკასიაში“ გერმანიის ფედერალური მთავრობის დაკვეთით 2012 წ. მაისიდან ხორციელდება და მიზნად ისახავს საჯარო ფინანსების მართვის სისტემის მიახლოვებას ევროპულ სტანდარტებთან.
იხ. ლინკი
იხ. ვიდეო მასალა
