გენერალურმა აუდიტორმა ცოტნე ყავლაშვილმა პარლამენტში სახელმწიფო აუდიტის სამსახურის 2021 წლის საქმიანობის ანგარიში წარადგინა.
2021 წელს ჩატარდა 49 აუდიტი - 11 ფინანსური, 22 შესაბამისობის, 16 ეფექტიანობის აუდიტი. ნაერთი ბიუჯეტის თანხობრივი დაფარვის მაჩვენებელი 81%-დან (2017 წელი) გაიზარდა 90%-მდე (2021 წელი), რითაც სამსახურმა პირველად დააკმაყოფილა საერთაშორისო საუკეთესო პრაქტიკით (PEFA) დადგენილი დაფარვის სტანდარტი. 2021 წელს ჩატარებული 49 აუდიტის ფარგლებში გაიცა 1500-მდე რეკომენდაცია.
