სახელმწიფო აუდიტის სამსახური

აუდიტის დეპარტამენტმა აჭარის ავტონომიურ რესპუბლიკაში განახორციელა აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს 2014 წლის 6 თვის ფინანსური აუდიტი. აუდიტის შედეგად დადგინდა:

აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს 6 თვის დამტკიცებული ბიუჯეტი შეადგენდა 4 995 041 ლარს. განხორციელებული ცვლილებების შედეგად, 6 თვის დაზუსტებული ბიუჯეტი განისაზღვრა 5 317 067 ლარით, ხოლო საკასო ხარჯმა შეადგინა 3 838 015 ლარი (დამტკიცებული ბიუჯეტის 76,8%, დაზუსტებული ბიუჯეტის 72,2%). მათ შორის, ხარჯების დაზუსტებული ბიუჯეტი შეადგენს 5 107 552 ლარს, საკასო შესრულებამ შეადგინა 3 808 766 ლარი (დაზუსტებული ბიუჯეტის 74,6%), არაფინანსური აქტივების ზრდის დაზუსტებული ბიუჯეტი შეადგენს 202 100 ლარს, საკასო შესრულებამ შეადგინა 21 836 ლარი (დაზუსტებული ბიუჯეტის 10,8%), ხოლო ვალდებულებების კლების დაზუსტებული ბიუჯეტი შეადგენს 7 415 ლარს, საკასო შესრულებამ შეადგინა 7 413 ლარი (დაზუსტებული ბიუჯეტის 100%).

სამინისტროს აპარატის 6 თვის დამტკიცებული ბიუჯეტი, მიზნობრივი პროგრამების ჩათვლით, შეადგენდა 4 376 445 ლარს. განხორციელებული ცვლილებების შედეგად 6 თვის დაზუსტებული ბიუჯეტი განისაზღვრა 4 698 471 ლარით, ხოლო საკასო ხარჯმა შეადგინა 3 336 775 ლარი (დაზუსტებული ბიუჯეტის 71%).

იხ. სრულად ანგარიში