აუდიტის დეპარტამენტმა აჭარის ავტონომიურ რესპუბლიკაში განახორციელა აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს 2013 წლის ფინანსური და შესაბამისობის აუდიტი. აუდიტის შედეგად გამოვლინდა შემდეგი დარღვევა-ნაკლოვანებები:
- იმ პირობებში, როდესაც სამინისტროს მიერ ავტოსატრანსპორტო საშუალებათა ექსპლუატაციის პროცესში არ იყო განხორციელებული სათანადო ქმედითი ღონისძიებები ზიანის გამომწვევი გარემოებების განსაზღვრისა და შემდგომი რეაგირებისათვის, გაწეულია 660 ლარის ხარჯი, ხოლო ავტოსატრანსპორტო საშუალებათა ტექნიკური მომსახურების შესყიდვისათვის ზედმეტად გადახდილია 115 ლარი.
- სამინისტროს მიერ ორ შემთხვევაში როუმინგით მომსახურებისათვის, მოქმედი მარეგულირებელი ნორმების დაუცველად, ანაზღაურებელია 243.6 ლარი, თუმცა აუდიტის პერიოდში ხელმძღვანელობის მიერ არ იქნა გატარებული სათანადო ღონისძიებები აღნიშნული თანხების ბიუჯეტში ანაზღაურების მიზნით.
- სამინისტროს მიზნობრივი პროგრამების შესწავლის შედეგად, შესაბამის სამედიცინო დაწესებულებაში პროგრამით გათვალისწინებული შესრულებული სამუშოების, კერძოდ სამედიცინო მომსახურების ღირებულებისა და გადამხდელის შესახებ საერთო ანგარიშების ტესტირებით, იდენტიფიცირებულია პაციენტების მიერ სამედიცინო დაწესებულებისათვის ზედმეტად გადახდილი თანხები, სულ 243.61 ლარის ოდენობით.
- სსიპ ,,აჭარის ა/რ დასაქმების სააგენტოს’’ მიერ არ იქნა დაცული ხელშეკრულებით გათვალისწინებული მოთხოვნები და სრულად იქნა დაფინანსებული მიმწოდებლის მიერ გაწეული მომსახურება.
აუდიტის შედეგად გამოვლენილ ნაკლოვანებებთან დაკავშირებით, აუდიტის დეპარტამენტის მიერ გაცემული იქნა შესაბამისი რეკომენდაციები, რომელთა მნიშვნელოვანი ნაწილი გათვალისწინებულია, ხოლო ნაწილი შესრულების პროცესშია.
იხ. ვრცლად სრული ანგარიში
