აუდიტის დეპარტამენტმა აჭარის ავტონომიურ რესპუბლიკაში განახორციელა აჭარის ავტონომიური რესპუბლიკის ფინანსთა და ეკონომიკის სამინისტროს 2014 წლის 6 თვის ფინანსური აუდიტი. აუდიტის შედეგად დადგინდა:
აჭარის ავტონომიური რესპუბლიკის ფინანსთა და ეკონომიკის სამინისტროს სახაზინო კოდით გათვალისწინებული - 2014 წლის 6 თვის დაზუსტებული ბიუჯეტი 8635.1 ათასი ლარით განისაზღვრა. ამავე პერიოდის საკასო ხარჯი 4585.4 ათას ლარს შეადგენს, რაც საბიუჯეტო გეგმის 53,1 %-ია.
სამინისტროს 2013 წლის ხარჯები (ნაერთი ანგარიში), გასული წლის მონაცემებთან შედარებით მნიშვნელოვანი ცვლილებებით ხასიათდება, კერძოდ, 2013 წლის შესაბამისი პერიოდის მაჩვენებელთან შედარებით,
გაზრდილია: სხვა დანარჩენი საქონლისა და მომსახურების ხარჯი - 22.9 ათასი ლარით, რბილი ინვენტარისა და უნიფორმის შეძენის ხარჯი - 1.3 ათასი ლარით, სოციალური უზრუნველყოფის ხარჯი - 44.0 ათასი ლარით და სხვა ხარჯები - 118.0 ათასი ლარით;
შემცირებულია: თანამდებობრივი სარგო - 68.3 ათასი ლარით, პრემია - 7.6 ათასი ლარით, შტატგარეშე მომუშავეთა ანაზღაურება - 52.2 ათასი ლარით, მივლინება - 1.6 ათასი ლარით, ოფისის ხარჯი - 41.1 ათასი ლარით, წარმომადგენლობითი ხარჯი - 13.9 ათასი ლარით, ტრანსპორტის მოვლა-შენახვის ხარჯი - 12.8 ათასი ლარით;
2014 წლის ბიუჯეტის „მივლინების“ მუხლით გაწეული ხარჯები 12.3 ათას ლარს შეადგენს, მათ შორის, ქვეყნის შიგნით მივლინების ხარჯების ანაზღაურებას მოხმარდა 7.8 ათასი ლარი, ხოლო ქვეყნის გარეთ მივლინებას - 4.5 ათასი ლარი.
იხ. ვრცლად სრული ანგარიში
