აუდიტის დეპარტამენტმა აჭარის ავტონომიურ რესპუბლიკაში განახორციელა აჭარის ავტონომიური რესპუბლიკის უმაღლესი საბჭოს 2013 წლის ფინანსური და შესაბამისობის აუდიტი. აუდიტის შედეგად გამოვლინდა შემდეგი დარღვევა- ნაკლოვანებები:
- ავტოსატრანსპორტო საშუალებაზე ჩატარებული სრული სამღებრო სამუშაოები 2300 ლარის ოდენობით არ იქნა აღრიცხული, როგორც ძირითადი აქტივების მიღება;
- მოქმედი მარეგულირებელი ნორმების დაუცველად დაფინანსებული იქნა თანამშრომელთა ქვეყნის გარეთ მივლინების როუმინგის მომსახურების თანხები 1200 ლარის ოდენობით;
- ავტოსამრეცხაოს მოწყობასთან დაკავშირებით სამუშაოების დაწყების და 2 დღის პერიოდში დასრულების რეალობა არსებული მოცულობების გათვალისწინებით რისკის შემცველად განისაზღვრა.
აღნიშნულ ხარვეზებთან დაკავშირებით აუდიტის დეპარტამენტის მიერ გაცემული იქნა შესაბამისი რეკომენდაციები, რომელთა გათვალისწინებაც ხელს შეუწყობს საჯარო ფინანსების მართვის პროცესის გაუმჯობესებას.
იხ. ვრცლად სრული ანგარიში
