აუდიტის დეპარტამენტმა აჭარის ავტონომიურ რესპუბლიკაში განახორციელა აჭარის ავტონომიური რესპუბლიკის უმაღლესი საბჭოს 2014 წლის 6 თვის ფინანსური აუდიტი. აუდიტის შედეგად გამოვლინდა:
სასამართლო გადაწყვეტილების აღსრულების მიზნით, მოსარჩელე სოფიო კობალაძისათვის გადახდილ იქნა 6339 ლარი, თუმცა სასამართლო გადაწყვეტილებით ანაზღაურებას ექვემდებარებოდა არაუმეტეს 3 (სამი) თვის თანამდებობრივი სარგო, რაც წარმოდგენილი მტკიცებულებების თანახმად, შეადგენს 4113 ლარს. გადახდა დაფინანსებულ იქნა „სხვა ხარჯების“ მუხლით. განხორციელებული ოპერაცია შესაბამისობაში არ არის საქართველოს ფინანსთა მინისტრის 2010 წლის 25 აგვისტოს №672 ბრძანებით დამტკიცებულ „საქართველოს საბიუჯეტო კლასიფიკაციის“ ხარჯების ეკონომიკური კლასიფიკაციის მეთოდურ განმარტებებთან. ამასთან, სასამართლო გადაწყვეტილებით დაკისრებული გადასახდელი არ არის აღრიცხული ორგანიზაციის ბალანსში 2013 წლის 31 დეკემბრის მდგომარეობით.
აჭარის ავტონომიური რესპუბლიკის უმაღლესი საბჭოს 2014 წლის 6 თვის ბალანსის დანართი ფორმა №2, ფორმა №2-1 და ფორმა №2-2 -ის თანახმად, უმაღლესი საბჭოს ხარჯების, არაფინანსური აქტივების ზრდისა და ვალდებულებების კლების ბიუჯეტის დამტკიცებული გეგმის მონაცემში წარმოდგენილია ბიუჯეტის დაზუსტებული გეგმის პარამეტრები.
იხ. ვრცლას სრული ნაგარიში
