სახელმწიფო აუდიტის სამსახური

აჭარის ავტონომიური რესპუბლიკის მთავრობის საქვეუწყებო დაწესებულება - საავტომობილო გზებისა და სამელიორაციო სისტემების მართვის დეპარტამენტის ფინანსური და შესაბამისობის აუდიტის ანგარიში 2013 წლის 1 იანვარი - 2013 წლის 31 დეკემბერი 12 აგვისტო, 2014

აუდიტის დეპარტამენტმა განახორციელა აჭარის ავტონომიური რესპუბლიკის მთავრობის საქვეუწყებო დაწესებულება - საავტომობილო გზებისა და სამელიორაციო სისტემების მართვის დეპარტამენტის 2013 წლის ფინანსური და შესაბამისობის აუდიტი. აუდიტის შედეგად გამოვლინდა რიგი დარღვევა-ნაკლოვანებები, კერძოდ:

1. საწვავის ხარჯვის დოკუმენტების ანალიზით ირკვევა, რომ წარმოდგენილ საგზაო ფურცლებში უმეტეს შემთხვევაში არ არის მითითებული ავტოსატრანსპორტო საშუალებების ოდომეტრის საწყისი და საბოლოო მაჩვენებლები და მძიმე ტექნიკაზე მექანიზმის ფაქტობრივად მუშაობის დამადასტურებელი მოტო-საათები. ასევე რიგ შემთხვევებში საგზაო ფურცლებსა და სამუშაოს შესრულების აქტებში არ არის იდენტიფიცირებული შესრულებული სამუშაოს კონკრეტული მანძილი და დრო.

2. დეპარტამენტის ბალანსზე რიცხული სატრანსპორტო საშუალებები და მექანიზმები პერიოდულად, საჭიროებიდან გამომდინარე, გამოყენებულია სხვადასხვა მუნიციპალიტეტის ტერიტორიაზე. წარმოდგენილი დოკუმენტებით ირკვევა, რომ შესაბამისი მტკიცებულებების არარსებობის პირობებში, არაერთგვაროვანი მიდგომაა ერთი და იგივე სახის, მარკის სატრანსპორტო საშუალებაზე და მექანიზმზე საწვავის სხვადასხვა ნორმით ჩამოწერასთან დაკავშირებით, რაც შიდა კონტროლის სისუსტეზე მიუთითებს.

იხ. ვრცლად სრულ იანგარიში