სახელმწიფო აუდიტის სამსახური

აჭარის ავტონომიური რესპუბლიკის მთავრობის საქვეუწყებო დაწესებულება - გარემოს დაცვისა და ბუნებრივი რესურსების სამმართველოს ფინანსური და შესაბამისობის აუდიტის ანგარიში 2013 წლის 1 იანვარი - 2013 წლის 31 დეკემბერი 06 აგვისტო, 2014

აუდიტის დეპარტამენტმა აჭარის ავტონომიურ რესპუბლიკაში განახორციელა აჭარის ავტონომიური რესპუბლიკის მთავრობის საქვეუწყებო დაწესებულება - გარემოს დაცვის სამმართველოს 2013 წლის ფინანსური და შესაბამისობის აუდიტი, აუდიტის შედეგად გამოვლინდა შემდეგი დარღვევა-ნაკლოვანებები:

1. სსიპ „სატყეო სააგენტოს“ დაკვეთით 2013 წელს შესრულებულია სააგენტოს მართვაში არსებული ტყის სხვადასხვა უბანზე გზების მშენებლობისა და რეაბილიტაციის სამუშაოები. წარმოდგენილი დოკუმენტაციის შესაბამისად, გაკეთდა 10 კმ ახალი გზა და რეაბილიტაცია ჩაუტარდა 20 კმ გზას, რისთვისაც შემსრულებლებზე გადახდილია სულ 366,0 ათასი ლარი. სამუშაოები შესრულებულია საპროექტო დოკუმენტაციის შესაბამისად და თავისი შინაარსით აქტივის მშენებლობასა და არსებით გაუმჯობესებას ითვალისწინებდა, რის გამოც მოქმედი კანონმდებლობის შესაბამისად, ექვემდებარებოდა აქტივად აღიარებას, რაც არ განხორციელებულა.

2. „აჭარის სანაპირო ზოლის დროებითი ნაპირსამაგრი ღონისძიების“ ქვეპროგრამის ფარგლებში გაფორმებული ხელშეკრულებების შესაბამისად, მიმწოდებელზე ავანსად ჩარიცხული 148.5 ათასი ლარი და პირგასამტეხლო 29,7 ათასი ლარი აუდიტის მიმდინარეობის პერიოდისათვის არ არის ჩარიცხული ბიუჯეტის შესაბამის შემოსავლებში. ამასთან, ადგილი აქვს ხელშეკრულებების პირობების არასწორად განსაზღვრისა და ხელშეკრულებებით გათვალისწინებული ვალდებულებების შესრულებაზე არასათანადო კონტროლის განხორციელების ფაქტებს.

აუდიტის შედეგად გამოვლენილ ნაკლოვანებებთან დაკავშირებით, აუდიტის დეპარტამენტის მიერ გაცემულ იქნა შესაბამისი რეკომენდაციები.

იხ. ვრცლას სრული ანგარიში