აუდიტის დეპარტამენტმა განახორციელა აჭარის ავტონომიური რესპუბლიკის მთავრობის საქვეუწყებო დაწესებულება - გარემოს დაცვის სამმართველოს 2012 წლის ფინანსური და შესაბამისობის აუდიტი. აუდიტის შედეგად გამოვლინდა შემდეგი დარღვევა-ნაკლოვანებები:
1. აჭარის ავტონომიური რესპუბლიკის 2012 წლის რესპუბლიკური ბიუჯეტით გათვალისწინებული პროგრამის ფარგლებში აშენებული 1225,0 ათასი ლარის ღირებულების სანაპიროს დამცავი ნაგებობა ასიგნება გათვალისწინებული იქნა სხვა ხარჯების მუხლში და არ მომხდარა მისი აღიარება აქტივად.
2. სსიპ „აჭარის სატყეო სააგენტოში“ არასწორად იქნა განსაზღვრული 2012 წლის ქონების გადასახადით დასაბეგრი ქონება, კერძოდ მასში არ არის გათვალისწინებული ლითონის ავზის ღირებულება 2.1 ათასი ლარის ოდენობით.
3. სამმართველოში და მისდამი დაქვემდებარებულ სსიპ „აჭარის სატყეო სააგენტოში“ არ არის უზრუნველყოფილი მატერიალურ ფასეულობათა დაცულობა. ამასთან ძირითადი აქტივების ბალანსიდან ჩამოწერისას მიღებული გადაწყვეტილებები არ შეესაბამება მოქმედ ნორმატივებს.
4. აუდიტის პერიოდში წარმოდგენილი დოკუმენტაციის შესაბამისად, 2012 წელს დაფიქსირებულია ტყის სარგებლობის წესების დარღვევის 229 ფაქტი, სადაც აღრიცხულია 830.89 მ3 ხე-ტყის უნებართვო ჭრის ფაქტები. გარემოზე მიყენებული ზიანი 60,7 ათას ლარს შეადგენს.
გამოვლენილი უნებართვო ჭრებიდან კონკრეტული დამრღვევები გამოვლენილია 228 შემთხვევაში, რის შესახებაც მასალები რეაგირებისათვის გადაცემულია ბუნებრივი რესურსების სააგენტოს აჭარის სამსახურში.
აუდიტის შედეგად გამოვლენილ ნაკლოვანებებთან დაკავშირებით, აუდიტის დეპარტამენტის მიერ გაცემულ იქნა შესაბამისი რეკომენდაციები.
იხ. ვრცლად სრული ანგარიში
