სახელმწიფო აუდიტის სამსახურმა ჩაატარა აფხაზეთის ა/რ ჯანმრთელობისა და სოციალური დაცვის სამინისტროს ფინანსური აუდიტი. აუდიტმა მოიცვა 2013 წლის 1 იანვრიდან 2014 წლის 1 იანვრამდე პერიოდი. ჩატარებულ ფინანსურ აუდიტთან დაკავშირებით შედგა აუდიტის ანგარიში, რომელშიც გამოითქვა უარყოფითი მოსაზრება ფინანსური ანგარიშგების შესახებ.
აუდიტის შედეგად გამოვლინდა, რომ 2013 წლის 31 დეკემბრის მდგომარეობით ორგანიზაციას არასწორად და არასრულად აქვს წარდგენილი ფინანსური ანგარიშგების შემადგენელი ფორმა N1, ფორმა N2, ფორმა N3 და ფორმა N5, კერძოდ:
როგორც სამინისტროს წინა პერიოდებში ჩატარებული აუდიტებით, ისე მიმდინარე აუდიტით გამოვლინდა, რომ საქართველოს ეკონომიკის მინისტრის 20.05.2009 წლის N1-1/1032 ბრძანების საფუძველზე სამინისტროსათვის, მის კომპეტენციაში არსებული ფუნქციების, ამოცანების და საკითხების განხორციელებისათვის, არსებობის ვადით, სარგებლობაში გადმოცემული სამსართულიანი შენობა-ნაგებობის მეორე სართულის ნაწილზე და მესამე სართულზე სრულად, ყოველგვარი შესაბამისი საფუძვლის გარეშე (ისე როგორც წინა წლებში) განთავსებულია და ფუნქციონირებს სხვადასხვა შპს-ები. აღნიშნულით ადგილი აქვს სახელმწიფო ქონების უკანონოდ გამოყენების ფაქტს.
იხ. ანგარიშის სრული ვერსია
