სახელმწიფო აუდიტის სამსახურმა ჩაატარა აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის 2011-2013 წლების ფინანსური და შესაბამისობის აუდიტი. ჩატარებულ აუდიტთან დაკავშირებით შედგა აუდიტის ანგარიში, რომელშიც გამოითქვა პირობითი მოსაზრება ფინანსური ანგარიშგების შესახებ და პირობითი მოსაზრება კანონმდებლობასთან შესაბამისობაზე.
ფინანსური ანგარიშგების შესახებ პირობითი მოსაზრების საფუძველშიგამოვლინდა, რომ 2011-2013 წლებში ორგანიზაციას არასწორად და არასრულად ჰქონდა წარდგენილი ფინანსური ანგარიშგების შემადგენელი ფორმა N1, N2, N3 და ფორმა N5, კერძოდ:
თამარაშვილის ქ. N15ა-ში მდებარე შენობის მეორე სართულზე არსებული ფართი, რომელშიც ფუნქციონირებს დეპარტამენტი, თანხობრივად აღრიცხული არ იყო ორგანიზაციის ბალანსში.
ძირითადი საშუალებებისა და სხვა მატერიალური ფასეულობების ინვენტარიზაციის შედეგად გამოვლინდა 28 ერთეული გრძელვადიანი მცირეფასიანი აქტივის ზედმეტობა.
მიმდინარე აუდიტთან დაკავშირებით შექმნილმა საინვენტარიზაციო კომისიამ ვერ განახორციელა გალის რაიონში განთავსებული ვეტერინარიის განყოფილებაზე გადაცემული და ნაშთად არსებული 20,564 ლარის ღირებულების მატერიალური მარაგებისა და მცირეფასიანი აქტივების ინვენტარიზაცია.
ბალანსის საცნობარო მუხლში აღირიცხა 12,773.00 ლარის აქტივების დანაკლისი, რომლებიც წარმოადგენს საომარი მოქმედებების შედეგად ოკუპირებულ ტერიტორიაზე ჩარჩენილ უძრავ-მოძრავ ქონებას.
პირობითი მოსაზრების საფუძვლებში წარმოდგენილი გარემოებების გარდა, ყურადღება გამახვილდა შემდეგზე:
ვერ დადასტურდა 2,640 ლარის ღირებულების მარაგების და ა/მანქანის შენახვაზე გაწეული ხარჯების მიზანშეწონილობა.
2011-2013 წლების აუდიტის შედეგად გამოვლინდა გარემოებები, რომლებმაც გავლენა იქონია კანონმდებლობასთან შესაბამისობაზე, კერძოდ:
ავტოსარანსპორტო საშუალების შესყიდვა განხორციელდა არარაციონალურად, ვინაიდან 12,000.00 ლარად შეძენილი იქნა ავტომანქანა, რომელიც სრულად იყო ამორტიზებული.
მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; წარმოდგენილი ხელშეკრულებების ანალიზით გამოვლინდა, რომ 2011 წელს 6 პირი, 2012 წელს 4 პირი, ხოლო 2013 წელს 6 პირი აყვანილი იქნა მუდმივ ამოცანათა შესასრულებლად. მათზე ჯამში ანაზღაურდა 79,303.50 ლარი.
შესაბამისი ბრძანებების საფუძველზე, გაცემული იყო პრემიები: 2011 წელს - 67,455.00 ლარი; 2012 წელს - 51,080.00 ლარი და 2013 წელს -55,480.00 ლარი. ხშირ შემთხვევაში შესაბამის ბრძანებებში არ იყო წარმოდგენილი, კონკრეტულად რა სამუშაოების შესრულებისთვის გაიცემოდა პრემია.
