სახელმწიფო აუდიტის სამსახურმა ჩაატარა აფხაზეთის ა/რ მთავრობის აპარატის 2014 წლის ფინანსური აუდიტი. ჩატარებულ აუდიტთან დაკავშირებით შედგა აუდიტის ანგარიში, რომელშიც გამოითქვა უპირობო მოსაზრება ფინანსური ანგარიშგების შესახებ.
უპირობო მოსაზრების გარდა ყურადღება გამახვილდა შემდეგ გარემოებებზე:
ორგანიზაციაში ბრძანებებისა და ხელშეკრულებების საფუძველზე 2014 წლის მთელი ან გარკვეული პერიოდის განმავლობაში დასაქმებული იყო შტატგარეშე 15 მომუშავე და მათზე ანაზღაურდა სულ 60,770.25 ლარი.
მოქმედი კანონმდებლობის თანახმად, შტატგარეშე მოსამსახურე არის პირი, რომელიც დანიშვნით ან შრომითი ხელშეკრულებით გარკვეული ვადით მიიღება სამსახურში არამუდმივ ამოცანათა შესასრულებლად; ფაქტობრივად კი წარმოდგენილი ხელშეკრულებების ანალიზით გამოვლინდა, რომ 3 პირი აყვანილი იყო მთელი წლის პერიოდში მუდმივ ამოცანათა შესასრულებლად. კერძოდ, მათზე დაკისრებული იყო აფხაზეთის ა/რ მთავრობის აპარატის დებულებით გათვალისწინებული მოვალეობების შესრულება.
ჯამში, ზემოაღნიშნულ შტატგარეშე მოსამსახურეებზე ანაზღაურდა სულ 21,684 ლარი.
იხ. სრული ანგარიში
