სახელმწიფო აუდიტის სამსახურმა ჩაატარა აფხაზეთის ა/რ განათლებისა და კულტურის სამინისტროს ფინანსური აუდიტი. აუდიტმა მოიცვა 2013 წლის 1 იანვრიდან 2014 წლის 1 იანვრამდე პერიოდი. ჩატარებულ ფინანსურ აუდიტთან დაკავშირებით შედგა აუდიტის ანგარიში, რომელშიც გამოითქვა პირობითი მოსაზრება ფინანსური ანგარიშგების შესახებ.
აუდიტის შედეგად გამოვლინდა, რომ 2013 წლის 31 დეკემბრის მდომარეობით ორგანიზაციას არასწორად და არასრულად აქვს წარდგენილი ფინანსური ანგარიშგების შემადგენილი ფორმა N1, ფორმა N2 და ფორმა N5, კერძოდ:
- ქ. თბილისში სამინისტროს შენობის სამუშაო მდგომარეობაში შენახვისა და მიმდინარე შეკეთების ხარჯები - 48,903.15 ლარის ოდენობით, არასწორადაა განხორციელებული წლიური ბიუჯეტით დამტკიცებული „არაფინანსური აქტივები“-ს მუხლიდან და არამართებულადაა მიეკუთვნებული (აღრიცხული) სამინისტროს ბალანსის მუხლში - „შენობები და ნაგებობები“ (ხარჯები უნდა აღრიცხულიყო როგორც „საქონელი და მომსახურება“, კერძოდ „ოფისის ხარჯების“ კლასიფიკატორში). შესაბამისად 2013 წლის ბოლოს შენობა-ნაგებობების საბალანსო მუხლი, ზედმეტადაა გაზრდილი 48,903.95 ლარით; ამავდროულად ამ თანხით: არასწორადაა გაზრდილი საბიუჯეტო კლასიფიკატორის მუხლი „არაფინანსური აქტივები“ და შემცირებულია საბიუჯეტო კლასიფიკატორის მუხლი „საქონელი და მომსახურება;
იხ. ვრცლად სრული ანგარიში
