პროექტის ფარგლებში გაიზარდა სახელმწიფო აუდიტის სამსახურის მხრიდან აუდიტორულ საქმიანობაში როგორც მოქალაქეთა ისევე არასამთავრობო ორგანიზაციათა ჩართულობა, საჯარო ფინანსების მართვის სფეროში სხვადასხვა ინოვაციური მეთოდისა და ინსტრუმენტის მეშვეობით სამოქალაქო თანამონაწილეობის გაუმჯობესებისათვის.
პროექტის შედეგები:
- შეიქმნა ანალიტიკური ვებ-პლატფორმა - „ბიუჯეტის მონიტორი“, რომლის მიზანია ბიუჯეტთან დაკავშირებული კომპლექსური ინფორმაციის მარტივად მიწოდება დაინტერესებული მხარეებისათვის (www.budgetmonitor.ge), შეძენილ იქნა ბიუჯეტის მონიტორის კიოსკები, რომლებიც განთავსებულია პარლამენტსა და სახელმწიფო აუდიტის სამსახურის შენობებში.
- გაიმართა სამუშაო შეხვედრები საქართველოს მთავრობისა და პარლამენტის წარმომადგენლების, სამოქალაქო და არასამთავრობო ორგანიზაციების წარმომადგენლებთან, მედიასთან, სტუდენტებსა და აკადემიური წრესთან.
- ჩატარდა ცოდნის გაზიარების შეხვედრა ტუნისის რესპუბლიკის აუდიტორთა სასამართლოს წარმომადგენლებთან მოქალაქეთა ჩართულობის საკითხებზე საქართველოს მხრიდან.